ខួបគម្រប់ពីរឆ្នាំនៃការស្លាប់របស់លោកវីរបណ្ឌិត កែម ឡី ១០ កក្កដា ២០១៦ - ១០ កក្កដា ២០១៨

លោក​បណ្ឌិត កែម ឡី ជា​អ្នក​ស្រាវជ្រាវ​ការ​អភិវឌ្ឍ​សង្គម ត្រូវ​បាន​ខ្មាន់​កាំភ្លើង​បាញ់​សម្លាប់​នៅ​ព្រឹក​ថ្ងៃ​ទី​១០ ខែ​កក្កដា ឆ្នាំ​២០១៦ នៅ​ឯ​ស្ដារ​ម៉ាត (Star Mart) ក្នុង​ស្ថានីយ​លក់​ប្រេង​ឥន្ធនៈ​កាល់តិច (Caltex) ។

លោក​បណ្ឌិត កែម ឡី ត្រូវ​បាន​សាធារណជន​ជាច្រើន​បាន​ស្គាល់​លោក​តាម​រយៈ​ការ​វិភាគ​លើ​បញ្ហា​សង្គម ស្ថានភាព​នយោបាយ សិទ្ធិ​មនុស្ស ការ​អភិវឌ្ឍ​ប្រទេស​នៅ​លើ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ ហើយ​លោក​ត្រូវ​បាន​ពលរដ្ឋ​ខ្មែរ​ដែល​គាំទ្រ​ការ​វិភាគ​របស់​លោក ហៅ​ថា​ជា​អ្នក​វិភាគ​ឯករាជ្យ ដែល​និយាយ​ចំៗ​ទាក់ទង​នឹង​ភាព​អសកម្ម​របស់​រដ្ឋាភិបាល និង​បញ្ហា​ផ្សេងៗ​ទៀត ទោះ​បី​ជា​លោក​បាន​ដឹង​ជា​មុន​ថា លោក​ប្រឈម​នឹង​ការ​បាញ់​សម្លាប់​ដោយ​ប្រការ​ណា​មួយ​ក្ដី ។

ចាប់តាំងពីថ្ងៃដែលឃាតករស្រេកឈាម ហ៊ុន តូ បានបាញ់សន្លាប់លោក ១០ កក្កដា ២០១៦ រហូតថ្ងៃនេះ លោកបណ្ឌិត និងក្រុមគ្រួសាររបស់លោកមិនទាន់បានទទួលយុត្តិធម៌ពីរបបតិរិច្ឆាន ហ៊ុន សែន ឡើយ ។

តាមការកត់សម្គាល់ ថ្វីត្បិតតែលោកបណ្ឌិត កែម ឡី ត្រូវបានលាចាកលោកហើយក្តី តែវិរភាពដ៏អង់អាចក្លាហាន និងការលះបង់របស់លោក ត្រូវបានកូនខ្មែរជាច្រើន រួមទាំងយុវជន និងអ្នកនយោបាយផងដែរ គោរពស្រឡាញ់ និងឲ្យតម្លៃលោកជានិច្ច ។

ជាក់ស្តែងនៅប៉ុន្មានថ្ងៃជាប់ៗគ្នានេះ ក្នុងរយះពេលគម្រប់ខួបពីរឆ្នាំនៃមរណភាពរបស់លោកបណ្ឌិត ពលរដ្ឋខ្មែរ យុវជន និងអ្នកនយោបាយជាច្រើនទាំងក្នុង និងក្រៅប្រទេស បាននាំគ្នាធ្វើបុណ្យរំលឹកគុណ និងទាមទារឲ្យរបប ហ៊ុន សែន ផ្តល់យុត្តិធម៌ជូនលោក និងក្រុមគ្រួសារ ស្ទើរគ្រប់ទីកន្លែង ។

ជាការកត់សម្គាល់ ចាប់តាំងពីថ្ងៃលោកបណ្ឌិត កែម ឡី ត្រូវឃាតករ ហ៊ុន តូ បាញ់សម្លាប់ រហូតដល់ពេលនេះក៏មានបក្សនយោបាយយ៉ាងតិចពីរដែរគឺបក្ស មូលដ្ឋាន និងបក្ស ខ្មែរតែមួយ តែងតែអួតខ្លួនថាជាក្រុម កែម ឡី និយមផងដែរ តែការពិតក្រុមទាំងពីរនេះមិនដែលហ៊ានទាមទារយុត្តិធម៌ជូនលោកបណ្ឌិត កែម ឡី ឡើយ ហើយអ្វីដែលពួកគេបានធ្វើគឺ ពួកគេបានត្រឹមតែយកកិត្តិយស កេរឈ្មោះលោកបណ្ឌិត កែម ឡី ធ្វើជាឈ្នាន់ឃោសនាដើម្បីបោកពលរដ្ឋរកសម្លេងឆ្នោតសំរាប់ពួកគេប៉ុណ្ណោះ ដែលទង្វើរដ៏ថោកទាបនេះយើងអាចនិយាយបានថា ក្រុមនេះ ជាក្រុមសមគំនិតជាមួយឃាតករ យកសពធ្វើអាជីវកម្ម ៕

ប្រភព៖ Chham Chhany